LADKI

Ek ladki apne sapno main,
Ek ladke ka chitra banati hain;
Uski kalpana ka chittha padho,
To badi hasi aati hain....

Lamba kad-kathi ho lekin,
Komal uski vaani ho,
Dikhne main ho rajkumar sa,
Aur mann se sundar praani ho....

Shaant shvabhav ka ho lekin,
Fighter jaisi body ho,
Padhai main to top kare woh,
Aur sports jiski hobby ho...

Down to earth ladka ho lekin,
Paise khoob kamata ho,
Industries ho 4 naam pe,
Weekends holiday manata ho...

Zoru ka gulam na ho par,
Ladki ko sir pe bithata ho,
Uski har ek pharmaishh pe,
Sau-sau tofe lata ho...

Office main khoob kaam kare,
Par ghar time se aata ho,
Aur Biwi ke ruth jaane par,
Ghanto usse manata ho...

Jyada kuch nahi chahiyeh lekin,
Sapno ki dukan sajati,
Yeh ladki pagli si thodi,
Bhar bhar ke hain plans banati,
Phir un sapno aur sachhai main,
Khud hi gayab ho jaati,
Par Ladki aisa naa karti to,
Shayad woh ladka bann jaati -2