Woh ladki hain!!

Woh hasti hain, woh gaati bhi,
Sharmati hain, ghabrati bhi,
Chup bahar se, leking chanchal andar se,
Woh Jhansi hain, par komal si.
Chhup chhup kar dekha karti khud ko,
Phir dambh dikhlaye ithlaati si,
Par dusro ke dukh main dekho,
Kaam kare bin alsati si,
Ladna ho to chandi bane woh,
Logon ko sabak sikhati bhi,
Woh chandramukhi hain , woh mrignaini,
Par andar se sahmi-sahmi,
Pal main komal, pal main kathin,
Woh pratima hain ek ladki ki,
Jitna jaano utna uljhe,
Dimag ke purje jharjharati bhi,
Par ek baar jo dekh palat ke,
Madira ki tarah bahakati bhi,
Naa samjho , naa pehchano use,
Woh jhalli hain , ek ladki si... .. .. who jhalli hain ek ladki si.