Mumbai Ki Baarish

Aasma se suraj gayab hain,
Mausam chatri ya raincoat ke layak hain,

Auto kahi bhi jaane ko tyaar nahi hain,
BMC ke paas drainage control ka koi hatiyaar nahi hain,

Office main HR ne chutti dene se mana kar diya hain,
Upar se govt ne 30% water cut kar liya hain,

Weather forecast ki ek bhi report sahi nahi hoti,
Rainmaker ke charishme se bhi baarish tej nahi hoti,

Pal main bochaar, pal main boondon ka sansaar hain,
Kabhi dheemi, kabhi tej, kabhi toofaani lalkar hain,

Jab ghar main baitho to tham jaati hain,
Jab bahar niklo to cham se baras jaati hain,

Aisa lagta hain, isme upar waale ki saajish hain,
Kya kahu yaaron, yeh Mumbai ki baarish hain -2