Nirma ke who din!!

Koi graduation se, koi engineering se, koi job karke yahaan aaya,
Aakar sabse pehle apna room jamaya,
Phir jaakar pantry main kuch khaya,
Next, NIM ki building ka chakkar lagaya.

Shuru hui yahaan se in 2 saalon ki dastaan,
Kuch dost ban gaye to asaan hota gaya yeh raasta.

Phir mach gayi class main CP karne ki daud,
Bakar bakar karne ko mach gayi haud,
Next aaya pehle CGPA ka season,
Competition badh gaya without any reason.

Ab aayi thi PPV ki baari,
Regionwise bat gayi thi janta saari,
Diwali ke baad jab ghar se wapis aaye,
Sir par mandraane lage the exams ke saaye.

December or Jan main aaye richter or perspectives,
March main sir ne kahan , ab choose karo electives.
2.5 months phir summers karte hue beete,
Kaam karte-karte pata nahin kisne kis kis ke dil jeete.

June main aayi juniors ki entry ki sham,
Kuch issues par band ho gayi, humare beech ram-ram
Jald hi bhool gaye all issues about ragging,
PPV turned out to be the best tool for ice breaking.

Clubs to handover kar hi diye, ab dene lage the yeh notes,
Aage jaakar khoob bataore humne, best seniors ke votes.
Phir wahi events, phir utna hi kaam,
Par humari guidance main dena tha, ab isse juniors ko anjaam.

November aaya, aa gaya placement week,
Sabko sabki chinta thi, Chahe pointer ho ya anagram geek,
Day 4 and 5 par ho gayi thi placing grip thodi weak,
Ek-dusre ke saath se, jald ho gaya sab theek.
Phir richter, phir perspectives aur phir se NCL,
Aur palak jhapkate hi aa gaya tha, yeh din, yeh farewell.

Kuch dino baad hum yahan se chale jayenge,
Pata nahin yahan kis kis ko yaad aayenge,
IP, Rajasthan, Intra sab yahin reh jayenge,
Pata nahin alumini meet par hum man se kitne mil payenge.

Ek time tha jab is jagah ki burayi karte nahin thakte,
Par yahaan par kitne khushi ke pal saath bitaye,
In ungliyon par nahin gin sakte,
Nayi jagah jaana hain, jaane waale nahin rukte,
Par kuch bhi keh lo yaaron, is jagah ko nahin bhool sakte.